కరోనా సెకండ్ వేవ్ లో 420 మంది డాక్టర్లు చనిపోయారు: ఐఎంఏ

కరోనా విపత్కర పరిస్థితుల్లో డాక్టర్లు ఎంతటి ప్రాణాపాయ పరిస్థితుల్లో విధులు నిర్వర్తిస్తున్నారో ఇండియన్ మెడికల్ అసోసియేషన్ (ఐఎంఏ) వెల్లడించింది. కరోనా సెకండ్ వేవ్ లో ఇప్పటివరకు 420 మంది డాక్టర్లు కరోనా బారినపడి ప్రాణాలు కోల్పోయారని తెలిపింది. ఢిల్లీలోనే 100 మంది వైద్యులు మరణించారని ఐఎంఏ వివరించింది. అత్యధికంగా బీహార్ లో 96, ఉత్తరప్రదేశ్ లో 41, గుజరాత్ లో 31 మంది, తెలంగాణలోనూ 20 మంది, పశ్చిమ బెంగాల్ లో 16, ఒడిశాలో 16, మహారాష్ట్రలో 15 మంది డాక్టర్లు కన్నుమూశారని పేర్కొంది. దేశంలో కరోనా వ్యాప్తి మొదలయ్యాక చనిపోయిన డాక్టర్ల సంఖ్య 748కి పెరిగినట్టు ఐఎంఏ తెలిపింది.